GREEN P KUVA MURI TUFF GANG YIBONEYE KNOWLESS NA CLEMENT BARARANA

Green P yashimangiye iby’urukundo rwa Knowless na Clement Mu gihe umubano hagati ya Knowless na producer we Clement wakomeje gutera benshi urujijo aho ababakurikirani ra hafi bemeza ko bakundana nyamara bo bakabihakanira kure, umuraperi Green P we yemeza ko ibyo yiboneye n’amaso ye

bituma abafata nk’abantu bakundana ndetse bakora urukundo. Ubwo yari mu kiganiro Isango na muzika, umufana yahamagaye muri iki kiganiro yifuza ko Green P yamusobanurira neza impamvu yashingiyeho mu ndirimbo ye nshya yise Kanyahige Bikaze avuga ko Knowless na Clement bajya bafata umwanya bakinezeza basomana. Muri iyi ndirimbo Green P yumvikana agira ati “ Mu gihe Knowless na Clement bari mu ma bisous nabaga nandika verses (imirongo)nicay e inyuma y’inzu ntinya kuvugisha umwana nta kintu,uwo nkozeho wese aransaba ikanzu reka nyahige bikaze amafaranga akora byose…” Amaze gusobanura neza ijambo ku rindi uko yaririmbye, umunyamakuru Phill Peter yahise amubaza niba ibyo yaririmbye muri iyi ndirimbo abihagazeho. Atazuyaje Green P yahise abishimangira agira ati “ Ehh, umva ndagapfa?!! Ubwo se baba ari ama robot.” Abajijwe impamvu yabagushijeho mu gihe nyamara bo bahakana urukundo rwabo, Aha Green P yagize ati “ Oya njyewe narabiboneye ndavuga ibyo nzi, ntabwo bararana mu cyumba kimwe muri hotel ngo umbwire ko ari ama robot.” Green P yemeza ko ubwo yari yaherekeje mugenzi we Bull Dogg mu bitaramo bya Primus Guma Guma Super Star II mu mujyi wa Rusizi mu 2012 yiboneye n’amaso ye Knowless na Clement bararana mu cyumba kimwe muri hotel ari nayo mpamvu yashingiyeho abyifashisha mu ndirimbo ye kuko ngo mu gihe bo barimo binezeze we yarahangayikish ijwe no gushaka amaramuko. Ati “ Ndumva aribwo bwa mbere nari ngiye i Cyangugu muri Guma Guma season ya kabiri, Eeh ndabizi neza niho nabikuye rero naravuze sasa igihe bo bari bameze neza bari mu munezero wabo, njyewe narimpangayitse . Nicyo bisobanuye.” Abajijwe uko kuva icyo gihe kugeza ubu afata umubano w’umuhanzikazi Knowless na producer Clement, Green P yagize ati “ Mbafata nk’abantu bakundana tu bikorera urukundo.” Muri iyi ndirimbo ya Green P si Knowless gusa na Clement agarukaho dore ko anarasa ku baraperi bagenzi be babiri n’abakunzi babo aribo Jay Polly na Fify ndetse na Pfla na El Poeta aho yemeza ko atapfa kuririmba ibintu nk’ibyo bikomeye atabihagazeho.